Mujhko samjhao mere ghar ki raah
haan usi dasht e pur khatar ki raah
aap k paa e naaz hain gul se
aur pur khaar hai safar ki raah
youn guzaari hai zindagi jaise
reg e be nakhl me basar ki raah
dil me ana hai be dhadak aao
muntazir kab se hai nazar ki raah
ankh utha kar sharab de saaqi
rok mat is tarah asar ki raah
rahguzar meri Qais waali hai
kyon chaloon aam se bashar ki raah
uski janib badhegi khud manzil
jisne le li tumhaare dar ki raah
No comments:
Post a Comment