ai mere khwabon ki jageer k tanha malik kash tu dekh sake khwab meri ankho k kash tu dekhe k main kaise tujhe dekhta hu kis tarah palkon pe rakh kar teri yadon k charagh jagti ankho se main khwab tere dekhta hu tu mere khwab me dunia hai meri jaan e hayat aur dunia me to khwabon k siwa kuch bhi nahi khwab jhute hain mere aur haqiqat ye hai mere hathon ki lakeeron me tera naam nahi tu kisi aur k khawabon ko sajaegi sanam main tere khwab liye jaan se guzar jaonga ha magar kya karu insan hu fitrat hai yahi ho na kuch khwab to phir kaise guzar mumkin ho raat to kaat hi lenge kahi gin k taare din magar khwab se khali ho to kyon kar guzre is liye khwab saja leta hu har din tere ta ki kat jayen ye din zindagi kahte hain jise.

meri do adate'n thii'n, jin me ek cigratte tha ek shayri, mujhe kahte the mere dost tum cigratte piite ho to kyo btao kis liye yun khuu'n jalate ho ise tum chhod do aur shayri pe dhyan do k shayri cigrate se behtar hai aur tum ko bahot mash'hoor kar degi, magar kaise btaon main k meri shayri me lafz jo ate hain wo khuun e jigar pi kar kahi cigrate se zyada kaleje ko jalate hain magar ye maine socha hai na ab cigrate k dhuunye se apna dil jalaonga main apna khuun e dil sara ghazal ko hi pilaonga, suna hai shayri ko jis ne bhi apni rag e jaa'n ka lahu de kar kiya sairab wo ustad thahra hai, suna hai jo janab e Meer k naqsh e qadam pe chalne lagta hai wahi mashoor hota hai.