meri do adate'n thii'n, jin me ek cigratte tha ek shayri, mujhe kahte the mere dost tum cigratte piite ho to kyo btao kis liye yun khuu'n jalate ho ise tum chhod do aur shayri pe dhyan do k shayri cigrate se behtar hai aur tum ko bahot mash'hoor kar degi, magar kaise btaon main k meri shayri me lafz jo ate hain wo khuun e jigar pi kar kahi cigrate se zyada kaleje ko jalate hain magar ye maine socha hai na ab cigrate k dhuunye se apna dil jalaonga main apna khuun e dil sara ghazal ko hi pilaonga, suna hai shayri ko jis ne bhi apni rag e jaa'n ka lahu de kar kiya sairab wo ustad thahra hai, suna hai jo janab e Meer k naqsh e qadam pe chalne lagta hai wahi mashoor hota hai.